كيفية تعامل الرسول(ص)مع غيرة زوجاته

بجد عندما نأخذ رسول الله صلي الله عليه وسلم اسوه حسنه لنا في كل تصرفاتنا هنتغير فعلا للأحسن,تعالوا أحكيلكم ازاي رسول الله(ص)تصرف في الموقف ده وازاي اي زوج تاني الا من رحم ربي هيتصرف في نفس المواقف احنا عارفين ان السيده عائشه رضي الله عنها من أشد زوجات الرسول غيره عليه,مره من المرات زوجه من زوجات رسول الله ارسلت الخادمه بصحن طعام الي بيت عائشه وكان رسول الله يجتمع بالصحابه حينذاك في بيت عائشه,واحنا عايزين نقول ياخوننا ان الست هي الست في كل عصر وفي كل مكان,انتوا عارفين زوجة الرسول اللي بعتت الصحن دي كانت عارفه ان عائشه صغيره ومش بتعرف تعمل اكل كويس فحبت تضايقها وتكيدها ومستنتش الرسول(ص)لما يجيلها بيتها وتاكله من الطعام ده,لأ,اول مادخلت الخادمه واعطت الصحن لعائشه فعائشه طبعا فهمت واتضايقت فراحت ماسكه الصحن والقته في الأرض امام رسول الله والصحابه,الصحابه طبعا اندهشوا واستنكروا الفعل ده جواهم ,تخيلوا ان رسول الله صلي الله عليه وسلم يوطي يجمع الأكل اللي وقع في الأرض والصحن اللي اتكسر ويقول للصحابه غارت أمكم غارت أمكم اي ام المؤمنين عائشه ويأخذ صحن من بيت عائشه فيه طعام ويعطيه لخادمة زوجته الأخري لترسله اليها ردا للهديه. بالله عليكم يامسلمين ويامسلمات رجل تاني كان عمل ايه كان ضرب مراطه امام اصحابه وشتمها وكل حاجه وحشه الا من رحم ربي طبعا شايفين لو بجد اقتدينا برسول الله حالنا فعلا هيتغير للأحسن ازاي عاوزين نخلي الأزواج فعلا يبطلوا يهينوا زوجاتهم لابالسب ولا بالضرب,والحياه هتبقي باذن الله جميله ومننساش ان الرسول صلي الله عليه وسلم قال (رفقا بالقوارير)اي رفقا بالنساء, بالله عليكم ايها المسلميت اتقوا الله في زوجاتكم

» هل تعانين من غيرة صديقتك؟
» أخلاق الرسول الكريم
» أم أيمن بركة حاضنة الرسول
» أم المؤمنين عائشة زوجة الرسول
» ايها الرجل .تعلم من الرسول كيف تحب زوجتك؟